Никотинге деген тәуелділік темекі шегетін адамды темекі шегуге мәжбүрлейді:
«Темекі маған босаңсуға көмектеседі»
Негізінде, темекі шегу адам ағзасына кері әсерін тигізеді:
— жүректің жиырылу жиілігі артады,
— тыныс алу жиілейді,
— қан қысымы артады.
Онда не себепті көптеген темекі шегетін адамдар темекі босаңсуға көмектеседі деген пікірге келеді?
1-ші себеп: Дофамин
Шылымқорға жайлылық сезімі дофаминнің арқасында келеді. Дофамин – бұл ләззат сезімінің пайда болуына жауап беретін зат. Темекі шеккеннен кейін миға түсетін никотин ми рецепторларымен байланысады және дофаминнің бөлінуіне әкеледі. Дофаминнің бөлінуінен кейінгі ләззат сезімі, шылымқорға алғашқы тартымнан кейін «босатты», «жіберді» деп айтуға мүмкіндік береді. Айта кету керек, бұл сезім ұзаққа созылмайды.
2-ші себеп: Үзіліс
Темекі шегу үшін адам өзіне үзіліс жариялайды - мысалы, жұмыс кезінде. Адам айналысатын іс күйзеліске себепші болады, себебі адам өзінің бар ойын тек осы іске ғана бағыттайды, ал үзіліс «осы ойды» үзуге, яғни «тынығуға» себепші болады. Темекі шегетін адам өзіне «шаршадым, темекі шегіп алайын» немесе «темекі шегіп алғаннан кейін аяқтаймын», «темекіге үзіліс жасайық» деп жиі айтады. Мұның бәрі, қалай болғанда да, «үзіліс», ал «үзіліс» әдетте жағымды эмоцияларды тудырады.
3-ші себеп: Ауысу
Темекі шегу процессі, темекі шегетін адам айналысып отырған істен ерекшеленетін «басқа» процесс болып табылады. Демек, темекі шегу – бұл адамға қысқа уақытқа басқа іске ауысуға (яғни, «қайта қосылуға») мүмкіндік беретін процесс.
4-ші себеп: Ұнайтын іс
Шегетін адамға темекі шегу ұнайды, себебі ол темекі шегу оған босаңсуға көмектеседі деп есептейді: 1-ші себепті қараңыз.
Егер Сіз шылым шегуден бас тартқыңыз келсе, Сізге ОСЫ ЖЕРДЕ кәсіби көмек көрсетіледі.
Pfizer сәйкестенімі
