Темекі жасалатын компоненттердің көбін өндірушілер жану процессін, дәмді және тәуелділікті арттыру үшін қосады. Темекінің үш негізгі компоненті: никотин, шайыр және иісті газ.
Жалпы алғанда, темекінің құрамында 600-ге жуық зат бар, олардың жану барысында 4000-нан астам химиялық қосылыс түзіледі, олардың көпшілігі улы, ал 70-ке жуық қосылыс қатерлі ісік ауруларын туғызады.
Негізгі компоненттер туралы ақпарат:
Никотин - бұл темекіден алынатын, тәуелділік туғызатын табиғи зат. Жанған/ қыздырылған/буланған өнімді жұтқан кезде темекінің немесе никотин жеткізу құрылғысының бір компоненті ретінде никотин өкпеге барып түседі, ол жерде ол қанмен араласып, бірнеше секунд ішінде қан ағымымен миға жетеді.
Шайыр - темекі шегетін адамның өкпесінде жиналатын, тісте дақ қалдыратын және саусақ ұшында қалып қалатын зат. Шайыр деп ағзаға темекі түтінімен бірге түсетін барлық бөлшек түрлері аталады. Дәл осы бөлшектер қатерлі ісік тудыратын заттар ретінде белгілі.
Иісті газ (көміртегі монооксиді) - бұл темекінің жану кезінде бөлінетін улы газ. Тыныс алған кезде иісті газ шылымқордың өкпесіне түсіп, қанмен араласып, ағзаға шылымқодың жүрегі мен басқа да органдарына оттегі жеткізуге мүмкіндік бермейді. Осы себепті шылымқордың жүрегі жиі жиырыла бастайды, өйткені иісті газ оттегінің ағзаға қажетті мөлшерде түсуіне кедергі келтіреді.
Егер Сіз шылым шегуден бас тартқыңыз келсе, Сізге ОСЫ ЖЕРДЕ кәсіби көмек көрсетіледі.
Pfizer сәйкестенімі
